Que podería saír mal?
Faísca é o manifesto filmado do compromiso de Cociña Ourense co territorio e a sustentabilidade do medio rural. Nado da alianza creativa e o coidado desenvolvemento de Trasgos de Caldelas, esta miniserie documental de 15 episodios saca a seis chefs da asociación das súas cociñas profesionais para mergullarse na realidade diaria dos pequenos produtores que definen a excelencia ourensá.
A serie percorre a xeografía da provincia dando voz e protagonismo absoluto a quen sostén a calidade na orixe. A miniserie convértese no escaparate de historias de esforzo e calidade excepcional. Participan os asociados:
A través desta viaxe, os cociñeiros non só actúan como espectadores, senón que participan activamente nas tarefas agrícolas, gandeiras e artesanais, humanizando o vínculo entre o produto de proximidade e a alta gastronomía.
Este proxecto estratéxico faise realidade grazas ao impulso institucional da Deputación de Ourense a través do INORDE (Instituto Ourensán de Desenvolvemento Económico), como patrocinador principal na súa aposta pola dinamización económica do rural. Así mesmo, conta co apoio de dous empresas firmemente comprometidas co sector enogastronómico galego Legufrut e La Central Heladera.
Todos os capítulos
Capítulo 1: Que podería saír mal?
Este primeiro capítulo é a orixe do proxecto e un adianto da serie: produto local, historias reais e o traballo, moitas veces invisible, que hai detrás de cada ingrediente de proximidade.
Capítulo 2: A cría do porco celta
Martín Fernández, de Bágoa Gastrobar, visita Cienporcel para coñecer de preto o traballo, o coidado e a filosofía que hai detrás dunha das razas máis emblemáticas de Galicia.
Capítulo 3: A Tenreira Galega
Alberto Fernández, do restaurante Pallabarro (Allariz), achégase á orixe do produto para entender como se cría, que valores hai detrás e por que a súa calidade comeza moito antes de chegar ao prato.
Capítulo 4: Viños da DO Ribeira Sacra
Gerson Iglesias, presidente de Cociña Ourense, percorre a DO Ribeira Sacra para coñecer de preto unha paisaxe extrema e o traballo que hai detrás da viticultura heroica. Desde os viñedos en pendente ata a adega, visita Adega Cachín e Adega Vella para descubrir como se elaboran os seus viños e que fai único este territorio.
Capítulo 5: Castañas de Luintra
Gerson Iglesias, presidente de Cociña Ourense, achégase a Luintra para visitar Sofragal e coñecer de preto todo o proceso: da árbore ao produto final. Unha mirada ao esforzo, á tradición e á paixón detrás de cada castaña.
Capítulo 6: Viños da DO Valdeorras
Luis Romaní, do restaurante Frouma (Pereiro de Aguiar), adéntrase na DO Valdeorras para descubrir como se elaboran os seus viños e que fai único este territorio vitivinícola galego. Visita a Adega Sampayolo.
Capítulo 7: Shiitake de Trives
Gerson Iglesias, presidente de Cociña Ourense, visita Shiitake Trives para coñecer de preto todo o proceso de cultivo deste fungo exótico. Tradición, innovación e esforzo local combínanse nun produto que chega directo á cociña.
Capítulo 8: A cría da ovella galega
Samuel Moreno, do restaurante O Campanario (Luintra), visita Finca A Tellada xunto a David para coñecer de primeira man a cría deste ovino autóctono. Unha mirada ao traballo, á paixón e á tradición que hai detrás de cada etapa do seu coidado.
Capítulo 9: Queixo de cabra
Alberto Fernández, do restaurante Pallabarro (Allariz), visita a queixería Riola para coñecer de preto o proceso artesanal e a dedicación que hai detrás de cada cabra. Unha mirada ao coidado do animal e á tradición queixeira que fai únicos os seus produtos.
Capítulo 10: Viños da DO Monterrei
Begoña Vázquez, chef do restaurante Regueiro da Cova (Verín), percorre a DO Monterrei para coñecer de preto como as adegas Triay e Quinta da Muradella cultivan os seus viñedos e elaboran os seus viños. Unha mirada ao esforzo, á tradición e á paixón que hai detrás de cada uva.
Capítulo 11: Viños da DO Ribeiro
Luis Romaní, do restaurante Frouma (Pereiro de Aguiar), percorre a DO Ribeiro para descubrir o proceso de elaboración dos seus viños, visitando o Consello Regulador da DO, a Adega Celme e Vinagres do Ribeiro. Unha mirada ao traballo, á tradición e á paixón que hai detrás de cada botella.
Capítulo 12: A pita de Mos
Martín Fernández, de Bágoa Gastrobar (Ourense), visita a Herminio en Finca Lorenzo para coñecer de preto a cría destas galiñas autóctonas. Unha mirada ao coidado do animal, á tradición e á paixón que hai detrás de cada ovo e de cada prato que chega á cociña.
Capítulo 13: A cría da cabra galega
Samuel Moreno, do restaurante O Campanario (Luintra), achégase para coñecer de preto a cría destas cabras autóctonas, explorando a dedicación, o coidado e a tradición que hai detrás de cada animal.
Capítulo 14: Os segredos do pan de Cea
Begoña Vázquez, chef do restaurante Regueiro da Cova (Verín), visita a panadaría Aboamigalla para descubrir os segredos dun pan con Indicación Xeográfica Protexida (IXP) desde 2004, elaborado de maneira artesanal desde o século XIII.